తెలుగు న్యూస్ చానల్స్, మనకు అవసరమా?

కొన్ని సంవత్సరాల క్రితం, వార్తలు అంటే దూరదర్శన్ 8 లో  సాయింత్రం ఏడు గంటలకు వచ్చీ కొన్ని జాతీయ మరియు అంతర్జాతీయ స్థాయి లో జరిగిన ముఖ్య ఘటనలు, క్రీడా రంగ వార్తలు మరియు వాతావరణ పరిస్తితి మాత్రమే. కాని ఈ రోజు వార్తలు అనే పదానికి అర్థం వేరు. డబ్బున్న ప్రతి సంస్థ లేదా వ్యక్తీ ఒక వార్తలు మాత్రం ప్రసారం చేసే చానెల్స స్థాపించడం తో ఇవాళ మనమందరం అనవసరమైన మానసిక ప్రభావానికి గురి అవుతున్నాం. 

బ్రేకింగ్ న్యూస్ పేరు తో మనందరినీ వెర్రి వాళ్ళని చేస్తున్న ఈ న్యూస్ చానల్స్ ని మనం ఖండించాల్సిన అవసరం ఎంతో ఉంది. ఎవరైనా సెల్ల్ఫోన్ స్థంబం ఎక్కినా, ఎ ఇంట్లో దొంగతనం అయినా, ఎవరో ఎవరినో తిట్టినా, ఎండ ఎక్కువగా ఉన్నా, ఎండ తక్కువగ ఉన్నా, వర్షం పడినా, వర్షం పదకపొఇనా ,కుక్క మొరిగినా, ఏదో సినిమా హీరో ఎవరినో ఏదో అన్నా, ఆవు ఇడ్లీ తిన్నా, కుక్కలు వెంట పడినా అసలు ఈలంటివి ఏదైనా జరిగినా, అవి వార్తలు అని సమర్పిస్తారు. వాళ్లకు చుపిచడానికి మతి లేదు అని అనుకోవచ్చు, కాని చూడడానికి మనకు బుద్ధి లేదా?

ఏదైనా హింసాత్మక  ఘటన జరిగితే , రక్తం, పోట్లాటలు, మల్ల యుద్ధాలు మళ్లీ మళ్లీ చూపిస్తారు. ఎందుకు? గత వారం జరిగిన ఒక సంఘటన లో ఒక ప్రముఖ వ్యక్తీ, నిస్సంకోచంగా బండ బూతులు తిడితే సాయింత్రం వరకు అదీ చూపెట్టారు. ఆవిడ తిట్టింది ఒక్కసారే కాని మనం అనుకుంది వేయి సార్లు. నిన్న ఎవరో ఆసిడ్ దాడి కి గురి అయినా ఒక అమ్మాయి కాలి పోయిన ముఖం TV స్క్రీన్ అంత కనిపించే లా జూమ్ చేయడం అవసరమా?.  ఎ రకంగా ఈ న్యూస్ చానల్స్ మన ఆలోచన పైన ప్రభావం చూపుతాయో ఒక్క సారి మనం ఆలోచించాలి.  చానల్స్ ఒక వ్యాపారం. వాళ్ళు చుపిచేవి వార్తలు కావు, అవసరమైనవి అసలే కావు. మరి అవి ఏంటి? అనవసరంగా మనందరిని మానసిక విస్మయానికి గురి చేసి, ఎ కారణం లేకుండా దిగులు పడేలా, ఒక మత్తుని అలవాటు చేస్తున్నారు. దురదృష్టకరమైన విషయం ఏంటి అంటే మనము ఆ మత్తు కి ప్రతి రోజు అలవాటు పడుతున్నాం. ఈ మత్తు మన మెదడు వరకు చేరే ముందే మనం దీనిని బహిష్కరించే అవసరం మనకు ఎంతో ఉంది.

  

ఇస్రేల్ లో 200 మంది  బాంబు పేలి  చనిపోయినా, అక్కడి మీడియా ఆ వార్త ని ఒక చిన్న విషయం లా భావించి, ఎన్నో మంచి వార్తల మధ్యలో అస్సలు ప్రాధాన్యం ఇవ్వకుండా ప్రసారం చేస్తుంది. ఇదీ మనమందరం ఇస్రేల్ దెగ్గర నేర్చుకోవాల్సిన విషయాల్లో ఒక చాలా  ముఖ్యమైన విషయం. ఆనందం, ఉల్లాసం, మంచి ఫలితాలు, సాఫల్యం, ప్రోత్సాహం, స్ఫూర్తి ని ఇచ్చే న్యూస్ చానల్స్ ఇవాళ మనందరిని మనస్తాపానికి గురి చేస్తున్నాయి. చనిపోయిన బిడ్డ శవం ఇంకా వల్లకాటు కి చేరదు  కాని TV రిపోర్టర్ కెమెరామన్ తో పాటు ఆ ఇంటికి చేరుకుంటాడు. ఏడిచే ఆ అమ్మని ఓదార్చే సమయంలో తన స్పందన ఎలా ఉంది అని అడుగుతాడు. ఒక MLA ని చంపిన వ్యక్తీ ఇంటర్వ్యూ అర గంట చూపిస్తారు.  'ఫ్రీడం అఫ్ ప్రెస్' పేరుతొ మన అందరి ఆలోచనల పై విషం చల్లి, మనఅందరిని అనవసరంగా మనస్తాపానికి గురి చేస్తారు. 

ఈ న్యూస్ చానల్స్ ని నేను అడిగీ ప్రశ్న ఒక్కటే, "ఉద్రిక్తం", "విషాదం", "ఘోరం", "నేరం", "స్పందన", అనే పదాలు వాడకుండా ఒక్క రోజైనా వార్తలు చెప్పగలరా?

- దీపక్ కారముంగికర్ 
నా మాతృ భాష మరాఠీ. ఇది తెలుగు లో నా మొదటి బ్లాగ్ పోస్ట్. తప్పులు ఏమైనా ఉంటె క్షమించండి :-)